O MONTE VIVO

  Este mércores 12 de xuño, o alumnado de 4º, 5º e 6º de Educación Primaria celebramos o Día da Bici cunha ruta dende o noso cole, pasando por Vilameá ata Río Caldo. Unha vez alí, fixemos unha pequeniña ruta a pé para coñecer de préto unha das paisaxes máis fermosas do noso parque natural: a Corga da Fecha. Logo, xantamos e desfrutamos das augas termais de Río Caldo! Xa pola tarde, regresamos en bici ao cole!  Foi unha xornada moi bonita, na que puidemos gozar cos nosos compañeiros das nosas paisaxes e do deporte, compartindo moitos de nós as nosas afeccións favoritas. Repetiremos!  Podedes ver un resumo desta xornada a continuación, pero antes queremos facer un agradecemento o grupo do GES de Lobios - en especial a Sonia e Jose Antonio - que nos escoltaron durante todo o traxecto e coidaron, en todo momento, da nosa seguridade! 

Seguimos  a gozar dun monte vivo como é o Parque Natural Baixa Limia - Serra do Xurés.   Desta volta, este venres 7 de xuño, no marco do programa XOGADE e grazas á promoción da Asociación Deportiva San Rosendo, o alumnado de 4º, 5º e 6º de Educación Primaria desfrutamos dunha xornada de inicación ao kayak e ao piragüismo. Foi unha xornada perfecta na que desfrutamos do noso Parque Natural e do Concello de Muíños na compañía dos centros da Baixa Limia e do concello de Barbadás.  Despois de desfrutar moitísimo na auga e cos remos, probamos os módulos do Gladiator Race!  Repetiremos, sen dúbida, o próximo curso!!

  Dentro das activdiades do Plan Proxecta O Monte Vivo, realizamos un pequeno extintor caseiro para que o alumnado aprenda o funicionamento deste recurso. O obxectivo da actividade é realizar un extintor caseiro para concienciar dos perigos do lume e como combatelo   Que hai que facer? 1.        Coloca 4 culleriñas de bicarbonato de sodio nunha servilleta, tapa e ata cun fío de maneira que quede ben suxeita. 2.       Agrega 5 culleres de vinagre e unha pequena cantidade de auga na botella. 3.       Sitúa a bolsiña de bicarbonato dentro da botella de maneira que colgue cunha parte do fío fora e que non estes en contacto co vinagre. 4.       Con plastilina ou unha cortiza tapa a boca da botella, colocando unha palliña polo medio 5.       Acende unha vela. 6.       Axita la botella, procurando tapar co dedo a boca da palliña. 7.       Seguidamente, quita o dedo e apunta coa palliña cara a vela acendida e verás como se apaga co líquido que sae do extintor.  

 O 29 de maio o alumnado participa nunha exhibición de medios do GES e os distintos corpos e medios de seguridade para conciencar no alumnado a súa labor, así como a importancia da prevencia no coidado das persoas , como da natureza que nos rodea no noso día a día dentro de PArque NAtural BAixa Limia Serra do xurés. Conpuse coa presencia dos GES de Lobios e os seus medios de extinción de incendios, axentes da garda Civil de protección do medio ambiente; brigada de rescate en montaña, helicóptero de rescate da Garda Ci vil, entre outros moitos.

  Con motivo do día dos Parques Naturais e no marco do Plan Proxecta+ "O monte vivo", este venres 24 de maio participamos nunha actividade organizada polo Parque Natural Baixa Limia - Serra do Xurés, en colaboración co a Consellería de Medio Ambiente e cambio climático. Primeiro, achegámonos á sede do Parque para participar na votación "Vota pola natureza" e escoller dúas especies do Parque: unha de fauna e outra de flora. A continuación, desprazámonos ata Vilameá onde tivemos unha xuntanza coa conselleira de Medio Ambiente e Cambio Climático, Ánxeles Vázquez. Ánxeles e a nosa profe Rosa liberaron dous miñotos para que estas crías de aguia poidan voar e vivir no Xurés. Logo, María propúxonos dous xogos que desfrutamos moito: o alumnado de Educación Infantil creamos unhas pegadas dos animais máis representativos que nos emprestou María e aos máis grandiños guiounos e acompañounos na busca de oito especies de flora. Graciñas inmensas, María!! Finalmente, achegámonos a

Neste curso, e dentro do Programa " O Monte Vivo ", o alumnado realizou un proxecto de posta en valor das marabillas que podemos atoparnos na nosa contorna. Para ilo, na aula de Arts realizaron algunhas maquetas de espazos naturais como poden ser o Foxo do Lobo, ou os 8 miles.  A posta en valor e a conciencia do que non se debe perder nun hipotético incendio forestal son os motivos principais que nos levaron a desenvolver esta actividade.  Desfrutade de dúas das estupendas maquetas realizadas!